Фарміраванне кобрынскай лясной гаспадаркі адбывалася на фоне значных гістарычных падзей – далучэння Заходняй Беларусі да БССР.Створаны ў 1939 г., Кобрынскі лясгас зведаў значныя пераўтварэнні і ў 2020 г. атрымаў статус доследнага.

Маларыцкае лясніцтва было створана ў 1944 г. адразу пасля вызвалення Беларусі ад нямецка-фашысцкіх захопнікаў. Кантора ўстановы размяшчалася ў наёмным памяшканні – прыватным доме плошчай 9 кв. м па вул. Энгельса. Першым ляснічым быў былы ляснік Афанасій Ільіч Струнец.